Stawizny
wideo hudźba knihi
& hry
1. dźěl: "Zasydlenje"
W tutym filmje předstaja so wobsydlenje Łužicy a dalšich kónčin přez Słowjanow w 7. lětstotku. Z pomocu muzejowych eksponatow a napodobnjenych starych rjemjesłow so něhdyšežiwjenje rysuje. Tež wo wěrje Słowjanow do swojich bohow móžepřihladowar zhonić.
(hornjoserbsce a němsce)
2. dźěl: "Hrodźišća"
Wideo předstaja feudalnu wuchodnu ekspansiju a rozšěrjenje křesćanstwa mjez podćisnjenymi ludami pod knjejstwom Korle Wulkeho, Heinrich I. a Otta I. Hrodźišća a jich wuznam, njejednota serbskich kmjenow a zhubjenje jich politiskeje njewotwisnosće su hłowne ćežišća tutoho wideja.
(hornjoserbsce a němsce)
3. dźěl: "Kolonizacija"
W tutym wideju předstaja so kolonizacija Łužicy a potłóčowanje połobskich Słowjanow přez Otta I., Otta II., Otta III. a Heinricha II. Přez trjebjenje lěsow móžachu serbscy a němscy ratarjo płoniny za ratarjenje wuznamnje powjetšić.
(hornjoserbsce a němsce)
4. dźěl: "Dobywanje kraja"
Tutón wideo předstaja dalše dobywanje kraja Němcow a Serbow za ratarske wužiwanje a jeho sćěwki za Łužicu. Powyšenje wotedawkow a roboćanskich słužbow ćěri wosebje tež serbskich ratarjow do wjetšeje wotwisnosće a do z toho sćěhowaceho spjećowanja přećiwo zemjanam.
(hornjoserbsce a němsce)
5. dźěl:"Město"
Předstaja so žiwjenje wosebje měšćanskich Serbow w srjedźowěku, kotřiž we wšelakich rjemjesłach dźěłajo so husto na kromu města stłóćichu. Přeco zaso so tući přećiwo patriciatej a měšćanskim radźićelam zběhachu. W poslednim dźělu předstaja so nadběh husitow na Budyšin a zwažliwy pospyt měšćanskeho pisarja Pětra z Přišec, husitam pomhać a jim měšćanske wrota wotewrěć.
(hornjoserbsce a němsce)
6. dźěl: "Reformacija a pismowstwo"
Serbske pismowstwo wot spočatka hač do doby rozwětlerstwa a pietizma so wopisuje. Hibanje přećiwo reformaciji pospěšuje rozwiće pismowstwa w katolskich Serbach. Duchowne hibanje rozwětlerstwa a pietizma spěchuje pismowstwo ewangelskich Serbow Hornjeje Łužicy.
(hornjoserbsce a němsce)
7. dźěl: "Zažne rozwětlerstwo"
Wideo pokazuje na hospodarske, socialne a duchowne połoženje serbskeho ludu kónc 18. a spočatk 19. lětstotka. We wobłuku europskeho rozwětlerstwa so tež we Łužicy tute duchowne hibanje mjez rosćacej serbskej inteligencu šěrješe. Z toho wurostu spočatki serbskeho šulstwa a serbskeje literatury.
(hornjoserbsce a němsce)
8. dźěl: "Narodne wozrodźenje"
Po zběhnjenju roboćanstwa je so tež we Łužicy hospodarske połoženje serbskich ratarjow polěpšiło. Srjedź 19. lětstotka zahaji so z pomocu narodnje wědomeje serbskeje inteligency doba serbskeho narodneho wozrodźenja. Wulka wupućowanska žołma w 19. lětstotku přepławi tež Łužicu; mnozy Serbja wupućuja ze socialnych a nabožnych přičin do Texasa, Awstralskeje abo do Južneje Afriki.
(hornjoserbsce a němsce)
9. dźěl: "Młodoserbske hibanje"
Na tutym filmje předstaja so čas po załoženju Němskeho mócnarstwa w lěće 1871, kiž zahaji w tak mjenowanych "Gründerjahre" tež we Łužicy spěšny rozkćěw hospodarstwa. W lěće 1912 załoži so we Wojerecach Domowina jako zwjazk serbskich towarstwow. Z tym poradźi so Serbam Hornjeje a Delnjeje Łužicy, so w boju přećiwo němskemu šowinizmej a germanizaciji zjednoćić.
(hornjoserbsce a němsce)
10. dźěl: "Weimarska republika"
Tutón wideo pokazuje wažne wjerški w narodnym a kulturnym hibanju serbskeho ludu w mjenowanej dobje.
(hornjoserbsce a němsce)
11. dźěl: "Serbja w Nacionalsocializmje"
Tutón wideo pokazuje wažne wjerški w narodnym a kulturnym hibanju serbskeho ludu w mjenowanej dobje.
(hornjoserbsce a němsce)
12. dźěl: "Serbja mjez 1945 a 1961"
(hornjoserbsce a němsce)
13. dźěl: "Serbja mjez 1961 a 2000"
(hornjoserbsce a němsce)
