Dźěćace
wideo hudźba knihi
& hry
"Potajnstwo stareho młyna"
(hornjoserbsce)
"Powědki wo soninje Amalce"
Amalka je šikwana lěsna sonina. Wona škita swojich přećelow z lěsa před ludźimi, kiž jim měr kaža. Dožiwi při tym wšelake dyrdomdejstwa - zbožowne a strašne chwile.
(hornjoserbsce)
"Dyrdomdeje čmjełkow"
Tu powědaja a předstajeja so dyrdomdeje małeju čmjełow, Čmjełaka a Brunačka, kotrejž bydlitej w domčku pod wrjosom. Na swojich pućach do cuzeho swěta dožiwetej najwšelakoriše dyrdomdeje a zeznataj zwjetša přećelow. Film nawjazuje na knižki za mjeńše dźěći a jeho rěč je jednora a žortna.
(hornjoserbsce)
"Micka z Kocorkowa"
Domasydačk rěkaše micka, jenož doma sydaše. Tola naraz so zmuži: Zalěze na łubju a wuhlada wuheń a wulku swěćatu kulu, potom doběža k šewcej Motyčce a wot njeho k zwěrjatkam: šwincej a wjewjerčce, k mjedwjedźej a nuklej. Spózna stonóžku a wojowarskeho jěžika. A što wšo z nimi dožiwi, widźiće, lube dźěći, w tutej bajce.
(hornjoserbsce)
"Puće fórmana Štrympički"
Móžeće sej Wy puće a dróhi bjez awtow předstajić? Dźědojo a wowki to snadź hišće móžeja. Štó rozłowaše w času dźěćatstwa twory? Wězo fórmanojo z konjemi. Fórmanojo běchu dźensniši šoferojo. A konje? Te Wy tola wšitcy znajeće. Naš fórman Štrympička ma konja Całćičku a dóstanje młodu žonu, soninu Julku. Wón rozłožuje twory z Wósporka do města a samo do Kamjenca dyrbi jónu, Wjele dyrdomdejow dožiwi po puću: z dubowymi mužikami, z wohnjošom abo z rubježnikami. Wšitko wón zmištruje a je w pokoju žiwy.
(hornjoserbsce)
"Jasna a Krasna"
Wjele je so w Łužicy hižo wo wódnych mužach powědało, wěrneho a mjenje wěrneho. Tola lědma něchtó wě, zo ma wódny muž w raju podłu klóšterskeje wody dwě dźowce. Wonej rěkatej JASNA a KRASNA. To běštej šikwanej, luboznej a nanej přeco posłušnej holčce, doniž, haj doniž njezjewi so rjaneho dnja młody pachoł na łuce při wodźe ... Wo tym, š,tož je so potom stało, chce wam tuta bajka-njebajka powědać.
(hornjoserbsce)
"Naš Pěskowčik"
K prěnjemu razej wudany dźesać wšelakorych dźelow dźěćaceho wječorneho postrowa "Naš pěskowčik" w serbskej rěči, kotrež je MDR produkował a w telewiziji wusyłał. Su to stawiznički wo starym mjedwjedźu a dyrdomdeje liški a sroki.
(hornjoserbsce)
"Tři Pjeršćenje"
Nowa serbska bajka...
(hornjoserbsce)
"Lutki"
Běše a njeběše, snadź tež hišće, zo bydlachu abo bydla lutki we Łužiskej holi. Lutki su mali, wjeseli mužojo, pryzlojći a pomocliwi. Zamóžeja kuzłać, dobrym ludźom pomhaja, njedobrym klubu činja, před zwonami ćěkaja. Před wjele, wjele lětami bydlachu třo lutkojo w chójnach blisko Slepoho, hnydom za Wobuzec dworom ...
(hornjoserbsce)
