Domowina z.t.

Domowina bu 13. 10. 1912 we Wojerecach jako třěšny zwjazk serbskich towarstwow a zjednoćenstwow załožena. Wona staji sej zaměr, so za demokratiske narodne zajimy Serbow zasadźeć a serbsku rěč a kulturu spěchować. Wona skutkowaše spočatnje w Hornjej a pozdźišo tež w Delnjej Łužicy.

Wot lěta 1933 reorganizowaše so Domowina a dowoli mj. dr. tež čłonstwo jednotliwcow. Wjednistwo wosta swojemu zaměrej swěrne a spjećowaše so přećiwo t.mj. politice "gleichšaltowanja" a germanizaciji němskeho knježerstwa. W lěće 1937 je so Domowina- dokelž wotpokaza pomjenowanje "serbscy rěčacych Němcow" - wot nacionalsocialistow zakazała. Serbska inteligenca wučerjo a duchowni, so z Łužicy wuhnachu.

Njeposrědnje po skónčenju druheje swětoweje wójny bu Domowina dnja 10. meje 1945 w Chrósćicach znowa załoža. Wona wozrodźi serbske kulturne dźěło a přinošowaše z tym k wobchowanju a wuwědomjenju narodneje identity ludu.

Z čas NDR bu tež Domowina jako "socialistiska narodna organizacija" deklarowana.

Po přewróće so Domwina prěstrukturowaše na Zwjazk Łužiskich Serbow, na politisce njewotwisnu narodnu organizaciju, kotraž zajimy wšitkich Serbow zastupuje.

Dźěławosć zarjada postaja Zwjazkowe předsydstwo Domowiny, w kotrymž su serbske towarstwa a zwjazki zastupjene.

Domowinje přisłuša 17 regionalnych a nadregionalnych towarstwow Łužicy a 6 asociěrwanych towarstwow z wukraja z Čěskeje a Pólskeje republiki, z Texasa a Awstralskeje.

Borbora Felberowa
Referent za zjawnostne dźeło
Póstowe naměsto 2
D-02625 Budyšin/Bautzen
tel: 03591/550 102
fax: 03591/42408
email: Domowina@t-online.de
internet: Domowina

Domowina - regionalny běrow Budyšin

Regionalny běrow je waš partner za wšitke serbske naležnosće. Steji za naprašowanja a pomoc k dispoziciji a prócuje so wo přesadźenje prawow Serbow na regionalnej a komunalnej runinje.

Dr. Hilža Elina
Póstowe naměsto 2
D-02625 Budyšin/Bautzen
tel: 03591/550 211
fax: 03591/42408
email: Domowina@t-online.de

Załožba za serbski lud

Załožba je so załožiła 19.10. 1991. Hakle w lěće 1998 sta so z prawomócnej załožbu zjawneho prawa. Zwjazk a krajej Sakska a Braniborska financuja dźěławosć Załožby.

Wosebity nadawk Załožby za serbski lud je spěchowanje, zachowanje, hajenje a wuwiće serbskeje rěče. Za tutón zaměr je so załožił w lěće 2001 Rěčny centrum WITAJ, kotryž wosebje tajke projekty spěchuje, kiž słuža k wobchowanju serbskeje rěče, kaž na přikład intensiwne rěčne kursy za kubłarki, wudźěłanje wučbneho materiala, financowanje serbskich knihi a druhe specifiske WITAJ-projekty. Załožba spěchuje tež rjad wědomostnych předewzaćow kaž tež projekty, kiž leža w swójskej zamołwitosći załožby, kaž na přikład zarjadowanja Ptačich kwasow, nazymske koncerty, dny serbskeho dźěćaceho dźiwadła, schadźowanka, wustajency, filmowe projekty, spožčenje mytow, folklorne festiwale atd.

Tež modernizowanje a saněrowanje serbskich zarjadnišćow so wot załožby njese. Su to Serbski dom, Serbski ludowy ansambl, Ludowe nakładnistwo Domowiny, Serbski dom w Choćebuzu, dom Domowiny we Wojerecach a muzej Měrćina Nowaka w Njechornju.

Serbske wuměłstwo, literatura a wědomosć so tohorunja wot załožby spěchuja. Wšitke towarstwa, kulturne skupiny, šule a gmejny, kiž na dobro serbskeho luda dźěłaja, móža próstwy za spěchowanje wotpowědnych projektow zapodać.

Marija Šimanowa
Załožba za serbski lud
Póstowe naměsto 2
D-02625 Budyšin/Bautzen
tel.: 03591 / 550 314
fax.: 03591 / 42811
email: m.schieman-stiftung@sorben.com

Zwjazk serbskich spěwarskich towarstwow z.t.

Zwjazk serbskich spěwarskich towarstwow z.t. zjednoća serbske chóry, spěwne a folklorne skupiny, chórowych nawodow a dalšich jednotliwcow. Je wotewrjeny wšěm zajimcam a spěchowarjam.

Wón spěchuje poćahi serbskich chórow a dalšich kulturnych skupin z chórami, spěwnymi a folklornymi skupinami we wukraju, wosebje w susodnych słowjanskich krajach, kotrež so čuja humanistiskemu hudźbnemu kubłu zawjazane.

Jan Knebel
Zwjazk serbskich spěwarskich towarstwow z.t.
Póstowe naměsto 2
D-02625 Budyšin/Bautzen
telefon: 03591/ 550 204
fax: 03591/ 42408
email: Domowina@t-online.de

Serbske ewangelske towarstwo z.t.

Zaměr towarstwa je spěchowanje serbskeho ewangelskeho žiwjenja. Zhromadnje ze Serbskim wosadnym zwjazkom wudawa towarstwo časopis "Pomhaj Bóh".

předsyda: Měrćin Wirth
Serbske ewangelske towarstwo z.t.
Priwatny puć 21
D-02625 Budyšin/Bautzen
telefon: 03591/ 497226
email: wirth@sorbischer-evangelischer-verein.de
internet: www.sorbischer-evangelischer-verein.de

Towarstwo Cyrila a Metoda z.t.

Towarstwo, załožene 1862, rjaduje naležnosće katolskich Serbow. Wone wudawa tydźenik "Katolski Posoł" a stara so wo posrědkowanje nabožneje wědy, spěchuje kulturu a nabožne nałožki, kaž tež dźěło z dźěćimi a młodostnymi we wosadach, wudźeržuje ekumeniske kontakty, zasadźuje so za runoprawosć mjeńšinow a pomha ludźom w nuzy, wosebje w Bosniskej.

Angelika Häneltowa
Towarstwo Cyrila a Metoda z.t.
Póstowe naměsto 2
D-02625 Budyšin/Bautzen
telefon: 03591/ 550 212
fax: 03591/ 422 07
email: TCM-KP@t-online.de
internet: www.tcm-kp.de

Spěchowanski kruh za serbsku ludowu kulturu z.t.

Towarstwo, załožene 1991 w Budyšinje, je z Domu za serbsku ludowu kulturu wušło.
Nadawk towarstwa je serbske ludowe wuměłstwo na wšěch polach spěchować, zdźeržeć, pěstować a rozšěrjeć.

Hłowne předewzaća su kóždolětne wubědźowanja wo najrjeńše jutrowne jejko, jutrowne wiki, molerska a keramiska dźěłarnička, wušiwanje a šwalčowanje narodnych drastow a wobdźěłanje drjewa.

Weronika Suchowa
Póstowe naměsto 2
D-02625 Budyšin/Bautzen
telefon: 03591/ 550 108
fax: 03591/ 42408
email: Domowina@t-online.de

Maćica Serbska z.t.

Najstarše serbske towarstwo, załožene 1857, zakazane 1937, započa po přewróće 1991 swoju samostatnu dźěławosć k spěchowanju wědomosće a zbudźenju wědomja Serbow. W Maćicy skutkuja sekcije za stawizny, literaturu/wuměłstwo, rěč, ludowědu/muzejownistwo, hudźbu a Delnjoserbski wotdźěl. Wona wudźeržuje tež kontakty k druhim słowjanskim towarstwam.

Dr. Měrcin Völkel
Póstowe naměsto 2
D-02625 Budyšin/Bautzen
telefon: 03591/ 550 206 abo 035796/96897
fax: 03591/ 42408
email: Domowina@t-online.de

MDR 1 Serbski rozhłós

Ze swojeho Budyskeho studija w Serbskim domje wusyła MDR wšědny dźeń 3 hodźiny rańši program w hornjoserbkej rěči, na njedźelach wot 11.00 do 12.30 hodź.

Monika Gerdesowa
Póstowe naměsto 2
D-02625 Budyšin/Bautzen
telefon: 03591/ 37400
fax: 03591/ 37403843
email: Studio-Bautzen@mdr.de abo Serbski-program@mdr.de
internet: Serbski rozhłós

Serbski Sokoł z.t.

Serbski Sokoł je třěšny zwjazk serbskich sportowych zjednoćenstwow, jednotkow a jednotliwych wosobow, kiž skutkowaše wot 1920 - 1933 a so po přewróće 1993 znowa wožiwi.Wón organizuje, koordinuje a přewjeduje sportowe zarjadowanja we Łužicy a pěstuje kontakty k sportowcam mjezynarodneho sokołskeho hibanja.

Achim Kowar
Póstowe naměsto 2
D-02625 Budyšin/Bautzen
telefon: 03591/ 550 223
fax: 03591/ 42408
email: Domowina@t-online.de

Sorabia-Film-Studio

SORABIA-FILM-STUDIO produkuje filmy ze serbskej tematiku, wusyła měsačnje magacin "Łužica" Braniborskeho rozhłósa a synchronizuje dźěćace a wučbne filmy do serbšćiny. Studio je w zašłosći tež dwaj bajkowej filmaj za serbske dźěći nawjerćało a dźěła na dalšich.

Dr. Toni Bruk
Póstowe naměsto 2
D-02625 Budyšin/Bautzen
telefon: 03591/ 44579
fax: 03591/ 44591
email: sorabia-film-studio@t-online.de

Serbske młodźinske towarstwo Pawk z.t.

Serbske młodźinske towarstwo Pawk z.t. je so w lěće 1995 załožiło. Hłownje zasadźuje so za zdźerženje, wuwiće a rozšěrjenje serbskeje rěče a kultury mjez młodźinu. Młodźinske towarstwo je z čłonom Domowiny a MENS (Młodźina europskich narodnych skupinow).

Marko Wjesela
Póstowe naměsto 2
D-02625 Budyšin/Bautzen
telefon: 03591/ 550 105
fax: 03591/42408
email: mail@pawk.de
internet: www.pawk.de

Zwjazk za serbski kulturny turizm z.t.

Sydło zwjazka je we Wojerecach. Jeho zaměr je wopytowarjam Łužicy stawizny, kulturu, tradicije a wašnja serbskeho luda zbližić. Za to jeso zestajiła materialowa zběrka " Serbska kulturna čara".

Marko Kowar
Póstowe naměsto 2
D-02625 Budyšin/Bautzen
tel: 03591/550 201
fax: 03591/42408
email: skt-domowina@t-online.de

Zwjazk serbskich wuměłcow z.t.

Zwjazk serbskich wuměłcow, kotryž ma nimale 90 čłonow, widźi swój hłowny zaměr w hajenju a wuwiću wosebje noweje serbskeje literatury a wuměłstwa wšěch žanrow. Na to su mnohe iniciatiwy a projekty wusměrjene. Wón wudźeržuje mnohostronske styki , wosebje tež do słowjanskeho wukraja.

Zwjazk serbskich wuměłcow z.t.
Póstowe naměsto 2
D-02625 Budyšin/Bautzen
tel: 03591/550 215
fax: 03591/550 174
email:zsw-domowina@sorben.com

Serbske šulske towarstwo z.t.

Serbske šulske towarstwo , 1991 w Chrósćicach załožene, jednoći wučerjow, kubłarjow, zajimowanych staršich a wučerjow-wuměnkarjow.

Towarstwo ma nadawk, serbsku rěč a kulturu zdźeržeć a dale wuwiwać, zajimy Serbow na polu předšulskeho, šulskeho a uniwersitneho kubłanja zastupować a fachowe nazhonjenja do diskusije zakonjow a jich postajenjow zapřijeć. Wosebje wěnuje so towarstwo nadawkam dwurěčneho kubłanja we wobłuku Witaj-projekta w pěstowarnjach a šulach. Wone je nošer šěsć pěstowarnjow z 270 dźěćimi, kotež so po metodźe dospołneje imersije kubłaja.

Serbske šulske towarstwo z.t.
Póstowe naměsto 2
D-02625 Budyšin/Bautzen
tel: 03591/550 215
fax: 03591/550 174
email:info@sorbischer-schulverein.de
internet: www.sorbischer-schulverein.de

Serbska kofejownja

serbske a Łužiske jědźe

Wotewrjenske časy:
Njedźelu do pjatka wot 10.30 hodź.
Sobotu wot 14.00 hodź.
Póstowe naměsto 2
D-02625 Budyšin/Bautzen
tel: 03591/47027
fax: 03591/326457
email:info@serbska-kofejownja.de
internet: www.serbska-kofejownja.de